CSKOBA 世界盃Party分組賽(10/12 摩洛哥🇲🇦 VS 葡萄牙🇵🇹 ) 最後召集💪
睇波👀 - 唔單只係鐘意踢波友⚽️嘅專利黎😎⋯⋯尤其係四年一度嘅世界盃🏆，識唔識波都可以參與其中架嘛！ 例如好多足球評述員都唔再係男人專利，好多女主持人例如：潘杰寧👧🏻、張嘉殷👩🏻、王嘉盈👩🏻🦰咁，都講得頭頭是道㗎😋！ 足球比賽唔係淨係睇球技精湛唔精湛、射波刁唔刁鑽，仲有好多其他值得留意既畫面，例如：場內球員嘅鬥心（日本隊嘅熱血反勝🔥）、團體精神 （韓國🇰🇷隊）、入波慶祝（巴西🇧🇷森巴舞🕺🕺🕺）。場外嘅教練（森保一的排陣）、VAR（1.88mm📏）、來自世界各地既女球迷😍（世界妹💃🏻💃💃🏿），甚至坐喺後備席嘅球員（嬲嬲豬既C朗 😤），都可以係比賽中嘅焦點！ 今次OBA搞睇波活動，其實都係想大家師兄弟有個歡聚睇波落腳點🍻。仲可以比不同年代嘅師兄弟🧑🏻🤝🧑🏻（197X-201X都有）有一個相聚嘅機會，多d溝通。喺屋企睇波，靜英英，甚至一支公，嗌大聲啲都驚嘈親屋企人😰，梗係唔及得出嚟一大班人🥳， 飲住嘢，一齊嗌吓，講吓波經，加番啲助語詞啦🤬… 加上今次聚會的餐廳非常特別，是阿記主題餐廳😅。地點方便之餘亦甚有特色，實在不容錯過！ 當晚八強賽事，由黑馬摩洛哥🇲🇦火併歐洲雄師葡萄牙🇵🇹。究竟Ziyech 同Hakimi 帶領嘅🇲🇦非州兵能否頂得住CR7 或者新貴G拉莫斯🇵🇹的猛烈進攻？摩洛哥今屆共四場比賽只係失過一球烏龍球🤦🏻♂️；對西班牙互射十二碼更力保不失💪，守門員保奴👏可謂功不可沒！ 假若你曾經飲過水記嘅奶水長大🍼，身上仍然流着水記嘅血🩸的話。我相信你同我一樣，必定好期待今次嘅聚會😎！